Официјални лица на администрацијата на Бајден со месеци знаеле дека Путин собира десетици илјади војници и испраќа тенкови долж украинската граница, пишува Вашингтон пост.
Весникот ја наведе хронологијата на настаните што се случија зад затворени врати пред руската инвазија на Украина. Како што се трупаше разузнавањето, Џејк Саливан, советникот за национална безбедност на Бајден, се увери дека Русија ќе започне војна во Украина и свика итен состанок во Овалната соба.
Тогаш на Џо Бајден му беше кажано дека разузнавачките информации за оперативните планови на Путин покажуваат дека се е подготвено за масовен напад врз Украина, а Вашингтон пост објави дека американската разузнавачка заедница има свои извори во руското политичко раководство, шпионскиот апарат и војската.
Според весникот, тогаш на Бајден му било кажано дека сегашните планови на Путин предвидуваат окупација на поголемиот дел од украинската територија.
Извештајот, со претходно необјавени детали, фрла нова светлина врз борбата на САД за враќање на кредибилитетот, обидот да се балансира разузнавачката тајна со потребата да се уверат сојузниците во нејзината вистинитост и предизвикот да се одреди како најмоќната воена алијанса во светот ќе помогне во помалку од совршена демократија, на руската граница, без НАТО да испука ниту еден куршум, оценува Вашингтон пост.
Исто така, весникот наведува дека текстот е напишан по разговори со повеќе од триесет високи функционери на САД, Украина, Европа и НАТО.
На првиот состанок во Овалната соба, на кој присуствувале шефовите на ЦИА, ФБИ, првиот човек на Пентагон, како и бројни други функционери на разузнавачката и одбранбената заедница, на Бајден му било детално претставено со сите плановите на рускиот претседател за Украина. Америка така, оценува „Вашингтон пост“, добиле „вонредни детали“ за тајните планови на Кремљ, додека Русија сè уште демантираше.
Откако беше соочен со новите разузнавачки информации и анализи на брифинг во октомври 2021 година, Бајден наводно имал две реакции. Прво, требаше да се обиде да го разубеди Путин и веруваше дека треба да се испрати некој во Москва да седне со Русите на највисоко ниво и да им каже: „Ако го направите тоа, ова ќе бидат последиците”.
Второ, неопходно беше да се информираат сојузниците за американското разузнавање и да се вклучат во единствена и решителна позиција дека на Русија треба да и се закануваат со остри санкции, да се зајакне и прошири одбраната на НАТО и да и се помогне на Украина. Така, Америка ги испрати своите највисоки функционери во Москва и во седиштето на НАТО во Брисел.
Вашингтон пост потоа наведува дека се воспоставени четири важни правила:
- Не смее да има вооружен конфликт меѓу американската војска и НАТО со Русија.
- Војната мора да остане во географските граници на Украина.
- Единството на НАТО треба да се зајакне и одржува.
- Украина треба да се зајакне и да и се даде средства за борба.
Администрацијата на Бајден имаше и друга загриженост – Володимир Зеленски, украинскиот претседател не е дораснат на Путин, а и целата математика беше на страната на Русија. Затоа Бајден го испрати државниот секретар Ентони Блинкен да разговара со украинскиот претседател, во Глазгов, на маргините на меѓународниот самит за климатските промени. Тогаш на Зеленски му беше кажано какви информации има Америка и дека им се подготвува напад.
И Блинкен подоцна призна дека средбата се случила. Бевме само ние двајца, на два метри еден од друг“, рече тој во едно интервју.
Сепак, Зеленски тогаш беше скептичен и најпрвин сметаше дека американските разузнавачки информации дека Русија ќе ги нападне се само шпекулации.
Помалку од две недели по состанокот во Глазгов, министерот за надворешни работи на Украина и шефот на кабинетот на Зеленски го посетија Стејт департментот, каде висок американски функционер кој ги пречека јасно им рече: „Момци, ископајте ги рововите!“
Официјалните упатства им забранија на американските разузнавачки агенции да споделуваат тактички информации што Украина може да ги искористи за офанзивни напади врз локациите на руските трупи на Крим или против сепаратистите поддржани од Кремљ на исток, така што Киев никогаш не ги доби деталите за тоа што Вашингтон го знаеше.
