вторник, 27 септември 2022
ПочетнаАВТОБИЗVW и Stelantis ја претекнаа Тесла

VW и Stelantis ја претекнаа Тесла

Германскиот концерн Volkswagen и француско-италијанско-американскиот автомобилски гигант Stellantis ги зазедоа првите две места во Европа по продажба на електрични возила во првата половина на 2022 година.

Кога станува збор за електричните автомобили, концернот Volkswagen во првите шест месеци од оваа година остави зад себе два големи ривали, Stellantis и Tesla. Добар резултат направи и Stellantis со оглед на тоа што е многу блиску до Германците и го престигна Tesla по продажба.

Во првата половина од годината, концернот Volkswagen испорача 116.307 електрични возила на клиентите во Европа, додека Stellantis беше втор со 105.413 испорачани електрични автомобили.

Тесла е далеку зад, на третото место со 78.277 продадени возила, покажуваат податоците од Dataforce, како што објави Automotive News Europe.

Податоците се однесуваат на 27 земји од ЕУ, како и Велика Британија, Швајцарија, Исланд и Норвешка.

Најпродаваниот електричен автомобил од Stellantis е новиот Fiat 500.

Иако Tesla е само трета по продажба на EV во Европа, овој производител ги зазема првите две места кога станува збор за индивидуални модели.

Најбараниот електричен автомобил во Европа во првите шест месеци од 2022 година е Tesla Model Y (39.969 продадени возила), додека втор е Tesla Model 3 (38.320).

Трет е електричниот Fiat 500 (32.315), четврти е Peugeot e-208 (21.918), а петти е Škoda Enyaq iV (19.951), како најпродаван електричен модел од групацијата VW.

НАЈНОВИ ВЕСТИ

ХОРОСКОП