„Sony Xperia Z1“ полека започна да привлекува внимание во светот, откако овој модел е достапен и во Европа. А сега се појавија гласини дека јапонската компанија подготвува мала верзија на овој телефон „Z1 Mini“.
Иако ова се само гласини, ова се некои од можните спецификации кои може да ги очекуваме кај оваа нова верзија.
„Z1 Mini“ би требало да има 4,3 инчен HD екран со резолуција од 1280 Х 720 пиксели, quad-core Snapdragon 800 процесор, камера од 20,7 мегапиксели со Sony G објектив, 2GB RAM, 16GB интернет меморија и батерија со 2,400 mAh.
Овој потег секако не е изненадување со оглед на фактот дека повеќето конкуренти како што се „Samsung“ и „HTC“ веќе имаат „Mini“ верзија на своите премиум уреди.
Се очекува дека „Sony“ наскоро официјално ќе го претстави „Z1 Mini“.
