На претстојниот саем за автомобили во Франкфурт, „Ford“ ќе го претстави својот нов бренд наменет за премиум корисниците – „Vignale“.
Vignale (се чита Vin-ya-lay) е наменет за пазарите на кои не е присутен „Lincoln“ и цели кон тој сегмент на клиентите и можеме да го очекуваме до 2015 година.
Со оглед на целниот пазар, овој автомобил изграден на основата на „Mondeo“ ќе блесне кај новиот сопственик со бројни хромирани детали, сјајна предна маска, различни браници, ексклузивен дизајн на ентериерот и внимателно одбрани палети на бои. Ентериерот ќе биде изработен од кожа, со дебели теписи и потполно прилагодливи дизајни и можности, како што се очекува од автомобил од оваа класа.
Технолошката компонента ќе ја поддржува составот на „Ford SYNC“, вградениот „WiFi“ систем и адаптивното „LED“ осветлување. Засега не се познати никакви технички детали, но најверојатно системот на моторот ќе биде идентичен како оној од „Mondeo“.
