недела, 2 октомври 2022
ПочетнаКОМПАНИИСо повисоки цени, „Hasbro“ ја надмина прогнозата за профит

Со повисоки цени, „Hasbro“ ја надмина прогнозата за профит

Производителот на играчки „Hasbro“ ги надмина пазарните проценки за квартален профит благодарение на силната побарувачка за неговата игра „Magic: The Gathering“ и зголемувањето на цените за неговите производи.

И покрај поголемото забавување на пазарот за игри во оваа година, продажбата на „Hasbro“ се одвива добро поради новите наслови. Компанијата објави проширување на „Magic: The Gathering“ во вториот квартал, што според аналитичарите доведе до пораст на нарачките.

Бизнисот „The Wizard’s of the Coast“, кој ја вклучува популарната игра „Dungeons & Dragons“, објави скоро 17% пораст на оперативната добивка на годишно ниво за трите месеци до 26 јуни.

Ниските трошоци за производство за тие игри, како и повисоките цени за играчките на „Hasbro“, како што се фигурите на „My Little Pony“, помогнаа да се зголемат оперативните маржи од 16 на 18 проценти, дури и кога трошоците за испорака скокнаа.

Прилагодениот нето приход се зголеми за 10% на 160,6 милиони долари. Компанијата заработи 1,15 долари по акција, надминувајќи ја просечната проценка на аналитичарите од 94 центи по акција, според податоците на „Refinitiv“.

Нето приходот, пак, се зголеми за 1% до 1,34 милијарди долари во последниот фискален квартал на годишна основа. Сепак, ова беше под прогнозата од 1,37 милијарди долари и беше поврзано со влијанието на посилниот долар.

НАЈНОВИ ВЕСТИ

ХОРОСКОП