„Dodge“ наскоро ќе го претстави својот прв електричен „мускулест“ автомобил со кој ќе се означи крајот на ерата на моторите со внатрешно согорување, но пред тоа ќе го видиме „Hellcat“ со последниот и најмоќен модел.
„Dodge Challenger SRT Hellcat“ е меѓу најимпресивните автомобили благодарение, меѓу другото, и на неговиот 6,2-литарски V8 мотор кој развива 797 ks. Според информациите кои ги открија добро упатените, „Dodge“ ќе се збогува со „Hellcat“ со финален модел кој како гориво ќе користи етанол E85.
Првите проценки велеа дека „Hellcat Finale“ може да развие до 850 ks кога работи на E85, но сигурен извор откри дека моќноста ќе биде поголема. „Mopar Insiders“ наведува дека моторот на најновиот „Hellcat“ ќе испорачува 909 ks, а тоа го потврди споменатиот инсајдер.
Овој податок јасно укажува дека новиот „Hellcat“ ќе биде најмоќниот автомобил „Dodge“ во историјата. За потсетување, специјалниот „Dodge Demon“ развива до 840 ks користејќи гориво за тркачки автомобил од 100 октани и моментално е најбрзиот „SRT“ кој е некогаш произведен.
„Dodge“ неодамна го даде заштитниот знак на името „Tomahawk“ и може да биде совршен за најновиот модел да биде „лебедова песна“ за моторот со внатрешно согорување.
Кога автомобилот ќе биде претставен сѐ уште не е познато.
