Светската цена на нафтата би можела да порасне за 40 отсто, или околу 140 долари за барел, доколку не се прифати предложената горна граница за цената на руската нафта, заедно со исклучоците од санкциите кои ќе овозможат испораки под таа цена, изјави висок претставник на американското Министерство за финансии.
Американската министерка за финансии Џенет Јелен ќе разговара за спроведувањето на предложениот плафон за цената на нафтата со јапонскиот министер за финансии, Шуничи Сузуки, кога ќе се состанат во вторник, рече претставникот.
Целта беше да се постават цените на ниво кое ги покрива маргиналните трошоци за производство на Русија за да ја охрабри Москва да продолжи да извезува нафта, но не доволно високи за да и се овозможи да ја финансира војната против Украина, рече претставникот.
Јапонските власти изразија загриженост поради тоа што плафонот на цените е пренизок, но веднаш не ја исклучија потенцијалната цена од 40 до 60 долари за барел, рече претставникот.
