Големите американски банки „Morgan Stanley“, „Goldman Sachs“, „Bank of America“ и „Wells Fargo“ ги зголемуваат дивидендите откако го поминаа годишниот стрес-тест на ФЕД со доволно капитални бафери.
Минатата недела ФЕД соопшти дека големите американски банки се добро подготвени за економската криза. Во тест-сценариото, кое симулира рецесија, 34-те тестирани банки одржуваат просечен коефициент на капитал од 9,7%, што е повеќе од двапати повисоко од бараното, пренесува „Reuters“.
Во понеделникот, „Goldman Sachs“ објави дека ќе ја зголеми својата дивиденда за 25 отсто на 2,50 долари по акција. „Morgan Stanley“ планира програма за откуп на акции од 20 милијарди долари, покрај зголемувањето на дивидендата по акција на 77,5 центи. „Bank of America“ да ја зголеми дивидендата за 5% до 22 центи, а пак „Wells Fargo“ за 5% до 30 центи по акција.
„JP Morgan“ сака да ја задржи дивидендата на стабилно ниво од еден долар по акција и се однесува на идните капитални барања, а „Citi“ планира и непроменета распределба на заработката од 51 цент по акција.
Зголемувањето на дивидендата за оваа година е поумерено отколку во 2021-ва година, годината во која беше исплатен голем банкарски капитал откако доверителите акумулираа вишок пари за време на пандемијата за да ги покријат загубите од заемите што никогаш не се реализираа. „Morgan Stanley“, на пример, ја удвои својата дивиденда во јуни 2021-ва година.
Како дел од годишните стрес-тестови воведени по финансиската криза 2007-2009 година, ФЕД проценува како билансите на банките би се справиле со хипотетички тежок економски пад. Резултатите одредуваат колкав капитал им е потребен на банките за да бидат стабилни и колку можат да им вратат на акционерите.
Во понеделникот, банките ги објавија своите нови капитални бафери за отпорност, кои стапуваат на сила подоцна во оваа година, давајќи им време да ги реструктуираат своите биланси.
„Citigroup“, „JPMorgan“ и „Bank of America“ изјавија дека нивните капитални бафери ќе се зголемат, потврдувајќи ги очекувањата на аналитичарите. Во „Bank of America“ и „JPMorgan“, ова зголемување ќе биде поттикнато од повисоките резерви за заеми, додека „Citi“ ќе биде под влијание на повисоките загуби од тргувањето, пониските приходи од провизии и повисоките трошоци, велат аналитичарите врз основа на резултатите од тестовите.
„Кај секоја од овие банки очекуваното зголемување на нивните капитални бафери е 80-100 базични поени, во однос на ограничениот вишок капитал, што е повеќе од она што го очекувавме ние или пазарот“, напишаа во петокот аналитичарите на „Goldman Sachs“ по објавувањето на резултатите од стрес-тестовите.
