Акциите на кинескиот гигант за игри и социјални медиуми „Tencent Holdings“ го избришаа претходниот раст и паднаа за 2,5 отсто до 374,60 долари во Хонг Конг во раните попладневни часови, откако „Prosus“ и „Naspers“ изјавија дека постепено ќе ги продадат акциите на компанијата кои ги поседуваат, пренесува „Reuters“.
Акциите на „Tencent“ поскапеа за 4,2 отсто наутро до 400,20 долари во Хонг Конг, што е нивно највисоко ниво од 9-ти јуни, пред да паднат попладне. Акциите неодамна забележаа пад од 1,3%, како трет најлош учинок во „Hang Seng Tech Index“.
Технолошкиот индекс порасна за 2,1 отсто, а реперот „Hang Seng“ за 2,3 отсто.
Холандската технолошка инвестициска компанија „Prosus“ и нејзиниот контролен акционер „Naspers“ од Јужна Африка денеска соопштија дека имаат намера да го продадат својот огромен удел во кинескиот софтверски гигант. Средствата ќе бидат искористени за финансирање на програма за откуп на акции.
„Naspers“, кој има 28,78% од акциите во „Tencent“ преку својата единица „Prosus“ на берзата во Амстердам, објави пад на годишниот профит од 16% по реинвестирањето на својот профит од други бизниси и откако придонесот на „Tencent“ се намали според уделот на продажбата во минатата година.
