Групацијата „Frasers“ на Мајк Ешли во средата соопшти дека ја зголемила својата максимална изложеност кон „Hugo Boss“ на 937 милиони долари и ја повтори својата поддршка за стратегијата на германскиот моден бренд и нејзиниот менаџмент, пренесува „Reuters“.
„Frasers“, чие поранешно име е „Sports Direct“, има за цел да се пресели во полуксузниот сегмент на пазарот. Компанијата соопшти дека моментално поседува 4,9% од акциите на „Hugo Boss“ директно и уште 26% од акциите индиректно преку опции за продажба.
Британскиот трговец на спортска опрема рече дека максималната вкупна изложеност на нејзиниот удел е околу 900 милиони евра.
„Frasers“ се здоби со удел во „Hugo Boss“ за прв пат во 2020-та година и постојано ја истакнува својата поддршка за менаџментот.
„Оваа инвестиција ја одразува вербата на „Frasers Group“ во брендот, стратегијата и менаџерскиот тим на „Hugo Boss“. Компанијата продолжува да биде поддржувачки акционер и создава вредност во интерес и на акционерите и на „Frasers Group“ и на „Hugo Boss“, велат од „Frasers“
„Hugo Boss“ е снабдувач на синџирите „House of Fraser“ и „Flannels“ на групацијата.
Акциите на „Frasers“ останаа непроменети при последното тргување, додека оние на „Hugo Boss“ паднаа за 0,5%.
Ешли се повлече од функцијата извршен директор на „Frasers“ минатиот месец. Тој останува извршен директор и поседува 69% од акциите.
Него на функцијата извршен директор го наследи неговиот зет Мајкл Мареј.