Астрономите ја открија најбрзорастечката црна дупка со маса од три милијарди сонца, која секоја секунда троши еквивалент на една Земја и свети 7.000 пати посилно од нашата галаксија, објави во средата Австралискиот национален универзитет (ANU).
Астрономите ловат вакви објекти повеќе од 50 години. Пронајдоа илјадници побледи, но овој неверојатно светол објект се протнал незабележано, рече водечкиот истражувач Кристофер Онкен од АНУ, нарекувајќи го „многу голема, неочекувана игла во стог сено“.
Сега сакаме да знаеме зошто оваа црна дупка е поинаква – дали се случило нешто катастрофално? Можеби две големи галаксии се срушиле една во друга, насочувајќи многу материјал во црната дупка за да ја нахрани, рече Онкен.
Коавторот Кристијан Волф ја нарече рекордната црна дупка „извонредна“.
Сосема сме убедени дека овој рекорд нема да биде соборен. Во суштина, снемавме од небото каде што може да се сокријат објекти како овој, рече тој.
Орбитите на планетите во нашиот Сончев систем ќе се вклопат во хоризонтот на настани – границите на црна дупка од која ништо не може да избега, рече коавторот Семјуел Лаи.
