Цените на горивата ширум светот никогаш не биле повисоки. На Британците за првпат им требаат дури 100 фунти за да го наполнат резервоарот. Кај нас цените на горивата достигнаа енормно високи нивоа. Што ќе биде со цената на дизелот и бензините понатаму, засега е непознато.
Литар Еуродизел во Македонија чини 104,50 денари, а бензинот 110 денари. Цените на горивата во земјите од регионот варираат, иако не премногу, а највисоки цени на горивата плаќаат возачите во Хрватска и Македонија.
Еве како е во другите соседни земји.
Босна и Херцеговина
Во Босна и Херцеговина цената на дизелот е 103 денари. Во споредба со Македонија, бензинот е поевтин и чини 102 денари, покажуваат податоците на веб-страницата Global Petrol Prices.
Србија
Во Србија литар дизел чини 108 дeнари, а за бензинот мора да се одвојат 101 дeнар.
Словенија
Во Словенија цената на евродизелот е 103 денари, а цената на бензинот е 96 денари.
Црна Гора
Во Црна Гора за литар дизел возачите плаќаат 97 денари, додека за литар бензин треба да одвојат 101 денар.
Хрватска
Хрватските граѓани за литар Еуродизел плаќаат 113 денари, додека бензинот чини 115 денари.
