„Marriott“ престанува да работи во Русија

Меѓународниот синџир на хотели „Marriott International“ објави дека ќе го прекине работењето во Русија по повеќе од 25 години работа во земјата, пренесува „Reuters“.

На 10-ти март, компанијата одлучи да го паузира отворањето на своите претстојни нови хотели и сите идни случувања во земјата, како и нејзините инвестиции во Русија. Одлуката е поврзана со инвазијата на Москва на Украина кон крајот на февруари.

„Остануваме фокусирани на грижата за нашите колеги со седиште во Русија“, велат од „Marriott“.

Во март, ривалот „Hilton Worldwide Holdings“ го запре целиот развој во Русија и ја затвори својата корпоративна канцеларија во Москва.

Потезите се дел од бранот западни компании кои реагираа на војната во Украина со повлекување на својот бизнис од Русија.