Германскиот концерн „Siemens“ ја прекина работата на изградбата на мрежни станици за полнење на електромобилите.
Овој гигант се откажа од акцијата поради тоа што интересот во овој сегмент е понизок од очекуваното, пренесува германското издание на „Wall Street Journal“.
Според претходните информации од германските медиуми, „Siemens“ ќе продолжи со развој на електричните мотори за автомобили и технологијата за нивното бежично полнење.
Минатата година во Германија се регистрирани само 4.321 нови електромобили, а голем процент од тој број го сочинуваат хибридните возила, машини кои работат на струја и бензин.
Една од причините за ниската побарувачка на ваквите возила е недостатокот од поширока мрежа на станици за полнење. Со откажувањето на „Siemens“, перспективата за нејзиниот развој стана уште по неизвесна.