Регулаторната комисија за енергетика вчера донесе одлука за значително поскапување на цената на горивата. Од ноќеска на полноќ малопродажните цени на нафтените деривати се зголемија во просек за 7,96%.
Малопродажната цена на бензинот ЕУРОСУПЕР БС-95 се зголеми за 9,00 ден/лит, додека на безоловниот бензин ЕУРОСУПЕР БС-98 се зголеми за 9,50 ден/лит.
Малопродажната цена на ЕУРОДИЗЕЛ (Д-Е V) се зголеми за 9,00 ден/лит, додека малопродажната цена на Екстра лесното масло за домаќинство (ЕЛ-1) се зголеми за 8,50 ден/лит.
Малопродажната цена на Мазутот М-1 НС останува иста.
Од 1.6.2022 година од 00:01 часот максималните цени на нафтените деривати изнесуваат:
Моторен бензин ЕУРОСУПЕР БС – 95 104,00 (денари/литар)
Моторен бензин ЕУРОСУПЕР БС – 98 106,50 (денари/литар)
Дизел гориво ЕУРОДИЗЕЛ БС (Д-Е V) 95,00 (денари/литар)
Масло за горење Екстра лесно 1 (ЕЛ-1) 93,00 (денари/литар)
Мазут М-1 НС 54,640 (денари/килограм)
