Луѓето наскоро би можеле да станат доволно интелигентни за меѓупланетарен живот, според студијата поддржана од научниците кои соработуваат со НАСА, објавена во Архив.
Според научниците, во следните 200 години човечката интелигенција би можела да се развие до точка каде што би станала цивилизација од тип 1 според Карадевиот модел.
Станува збор за модел кој е осмислен во 1964 година и кој проценува колку цивилизацијата е блиска до освојувањето на вселената и меѓупланетарните патувања. Во голема мера се заснова на различните видови енергија што секоја цивилизација може да ги користи и складира. Според научниците, за меѓупланетарниот живот потребно е луѓето да научат како да користат обновлива енергија.
Според Карашевиот модел, цивилизацијата тип 1 е „планетарна цивилизација“ која научила да ги користи сите главни извори на енергија на својата матична планета. Но, според таа класификација, луѓето се уште не се во таа фаза бидејќи не ја совладале целосно нуклеарната и обновливата енергија.
За споредба, цивилизацијата од типот 2, наречена „ѕвездена цивилизација“, имплицира дека човештвото може да ја собере и складира целата енергија што ја ослободува нејзината ѕвезда. Цивилизацијата од тип 3, или „галактичка цивилизација“, може да ја собира и управува енергијата што ја произведува целата галаксија.
Студијата, потпишана од научници од САД, Полска, Кина и Индија, наведува дека луѓето на крајот ќе мора да ја напуштат Земјата за да преживеат идни катаклизмички настани. За да се постигне ова, човештвото ќе мора повеќе да ги користи обновливите извори на енергија и да почне поинтензивно да ја користи нуклеарната енергија. Дополнително, борбата против климатските промени треба да се интензивира, бидејќи тоа може да има катастрофални последици за понатамошниот развој.
Човештвото треба да се стреми да постигне драматична транзиција во користењето на енергијата помеѓу 2020 и 2050 година, или што е можно поскоро, да ги реши барем најважните проблеми што стојат на патот на понатамошниот развој на цивилизацијата, пишуваат научниците во својата работа.
Додаваат дека најдобар одговор на енергетскиот проблем е подобро и поинтензивно користење на нуклеарната енергија. Сепак, тие забележуваат дека тоа со себе го носи и прашањето за отстранување на нуклеарниот отпад. Особено во светло на сè поинтензивните климатски промени кои влијаат. Имено, доколку нуклеарниот отпад се одлага во премногу плитки складишта, тој потенцијално може да истече во околината поради климатските промени кои ја менуваат температурата на самата земја и изгледот на нејзината површина.
Со цел целото човештво да го достигне статусот на цивилизација тип 1, ние мора да развиеме и да обезбедиме пристап до понапредни технологии за сите одговорни нации, истовремено обезбедувајќи пристап до обновливите извори на енергија ширум светот. Само преку целосно разбирање на нашите заеднички потреби и широка заедничка соработка на целото човештво ќе можеме да избегнеме катастрофа и да продолжиме со нашето искачување на повисоки нивоа на цивилизација, заклучија научниците.
Ако човештвото ги исполни оптимистичките проценки направени од научниците во нивната студија, би можеле да дојдеме до цивилизација од тип 1 „уште“ во 2371 година.
