понеделник, 8 август 2022
ПочетнаЕКОНОМИЈАКаде се крати, а каде се додава во предлог ребаланост за годинава

Каде се крати, а каде се додава во предлог ребаланост за годинава

Буџетите на речиси сите министерства со предложениот ребаланс се скусија. Иако во поголемиот дел кратењето на парите се во просек за еден милион евра помалку, има и буџетски корисници кои ќе имаат драстично помал буџет од првично планираниот.

Министерството за транспорт и врски ќе располага со покус буџет за 60 милиони евра. Од сите буџетски корисници во ова министерство е испланирано најголемо намалување на парите со кои ќе располага тековната година. Инвестициите во патната инфраструктура се намалени за 37 милиони евра од првично планираното, додека за 40 илјади евра се скратени инвестиците во водовод и канализација во општините. Еднствената ставка која е зголемена за 2,6 милиони евра е железничката инфрастрктура.

БУЏЕТ 2022  РЕБАЛАНС 2022
Патна инфраструктура96 мил. евра59 мил.евра
Водовод и канализација178 илјади евра138 илјади евра
Железничка инфраструктура11,7 мил.евра14,3 мил. евра

И кај другите министерства има намалување на буџетите но тие се далеку помали кратење за разлика од министерството за транспорт. Зголемување има во Министерството за труд и социјална политика дополнителни 60 милиони евра, буџетот на Владата е зголемен за 80 милиони евра и во Министерството за образование на располагање се додани осум милиони евра. Зголемувањето се должи на зголемените плати во образованието, социјални трансфери и мерки кои ќе се исплаќаат директно од буџетот на Владата.

БУЏЕТРЕБАЛАНС
Министерство за труд и социјална политика822 мил.882 мил.евра
Влада на Република Северна Македонија158 мил.238 мил.евра
Министерство за образование470 мил.478 мил.евра

Како значајни капитални проекти е изградбата на коридорот 8, железничката пруга Кичево-граница со Албанија и рехабилитација на делницата Куманово- Дељадровце. Во ребалансот се планирани пари и за изградба на нов клинички ценатар во Скопје како и рекострукција и доградба на Клиничката болница во Штип.

Ч.А

НАЈНОВИ ВЕСТИ

ХОРОСКОП