Русија и Украина сочинуваат околу една четвртина од светскиот извоз на пченица, а Западот стравува дека Путин се обидува да ги искористи залихите со храна како оружје.
Светот има залихи на пченица за само десет недели, како резултат на руската инвазија на Украина, која ја прекина испораката од главната „житница“ во Европа. ОН предупредија дека глобалните залихи на пченица паднаа на најниско ниво од 2008 година, бидејќи залихите се „погодени од феноменот на една генерација“.
Официјалните проценки наведуваат дека залихите на пченица во светот се на 33 отсто од годишната потрошувачка, но сега можеби паднале на 20 отсто, покажуваат податоците на компанијата Gro Intelligence, која ги анализира земјоделските податоци, пишува Телеграф.
