недела, 2 октомври 2022
ПочетнаТЕХНОЛОГИЈАСе отстрануваат 1,5 милиони апликации од „Google Play“ и „App Store“?

Се отстрануваат 1,5 милиони апликации од „Google Play“ и „App Store“?

Пред извесно време се говореше за тоа како „Apple“ и „Google“ планираат да отстранат апликации од „App Store“ и „Play Store“. Критериумот за отстранување на апликацијата е немањето нови верзии во изминатите две или повеќе години. Така, секоја апликација што ја имаше последната надградба пред повеќе од две години оди под гилотина.

Од една страна, овој потег е разбирлив. Некои од ненапредните апликации може да имаат одредени безбедносни пропусти кои злонамерните корисници би можеле да ги искористат или нивниот интерфејс едноставно не одговара со најновите верзии на оперативните системи „iOS“ и „Android“. Од друга страна, на некои апликации едноставно не им требаат надградби. Па зошто би биле отстранети ако немаат сериозни недостатоци и ако функционираат како што е предвидено?

Што точно планира „Apple“?

Во моментов, има повеќе од 650.000 апликации во „App Store“ кои немаат ниту една надградба во последните две години. Досега „Apple“ најверојатно не ги отстранил бидејќи немало сериозни закани за интегритетот на податоците на корисниците.

Сепак, според сегашните тврдења, сите тие би можеле да бидат отстранети од продавницата. Да го споредиме тоа со последното „пролетно чистење“ во 2016-та година, кога беа отстранети 150.000 апликации. Значи, во оваа прилика би можеле да се отстранат речиси 5 пати повеќе апликации, што е огромна разлика.

„Google“ размислува

Што се однесува до оперативниот систем „Android“, ситуацијата е исто така далеку од идеална. Во овој момент, речиси 869.000 апликации би можеле да исчезнат и од „Play Store“. Причините се исти – нема надградби повеќе од две години. Добрата работа со оперативниот систем „Android“ е што доколку овие апликации се отстранат од „Play Store“, корисниците ќе можат да ги преземат од алтернативни сајтови. Колку е безбедно зависи од корисниците, но има алтернатива, која не можеме да ја кажеме за „iOS“.

Процентот на ажурирање

Според порталот „Nextpit“, компанијата „Pixalate“ вели дека процентот на апликации кои имале надградба во последните шест месеци е само 28%, што не е се одлично со оглед на плановите на овие две компании. Се разбира, повеќето од овие надградби, дури 84%, се однесуваат на оние апликации кои се преземени повеќе од 100 милиони пати, што ни кажува дека популарните апликации работат многу повеќе за да ги подобрат своите функции.

Што значи сето ова за апликациите? Како што сега стојат работите, не им оди најдобро. Се чини дека и „Google“ и „Apple“ се решени да ги отстранат застарените апликации од нивните онлајн продавници. Сè уште не знаеме точно кога ќе се случи ова, но единствениот начин да го избегнеме е – ажурирање, дури и ако беше мало и донесе промена на бојата на најмалку користеното мени од зелено во светло зелено, ажурирањето е – ажурирање.

НАЈНОВИ ВЕСТИ

ХОРОСКОП