среда, 7 декември 2022
ПочетнаАВТОБИЗ„Mercedes“ се откажува и од „B-Class“

„Mercedes“ се откажува и од „B-Class“

Еден од најпопуларните модели на „Mercedes-Benz“ во последните години – „B-Class“, нема да добие наследик и ќе исчезне од гамата на марката во 2025-та година.

Ова го објави „Motor.es“, затоа што причината за одлуката на германскиот производител е повеќе од јасен – побарувачката од миниваните опаѓа, а нивните потенцијални купувачи се свртуваат кон кросовери.

Истото важи и за семејството „А-Class“, каде што седанот „CLA“, караванот и „шутинг-брејк“ постепено ја губат популарноста на сметка на кросоверот „GLA“. Продажбата на „B-Class“ опаѓа, но кросоверот „GLB“ ужива интерес кај потрошувачите, поради фактот што доаѓа со три реда седишта.

Првата генерација на „B-Class“ со индексот „W245“ се појави на пазарот во 2005-та година. Овој модел е изграден на платформата што ја користи класата „А“, но поради неговата поголема големина се наоѓа чекор погоре во гамата на производителот од Штутгарт. Првата генерација беше понудена само со погон на предните тркала, но втората – „W242“/„W246“, која излезе во 2011-та година како опција, имаше и менувач со погон на четири тркала.

Покрај бензинските и дизел погонските агрегати, „B-Class“ може да биде опремена со хибридни/„F-Cell“, гасни (NGT) и електрични (E-Cell) мотори. Сепак, сето ова очигледно не му помага на моделот успешно да остане на пазарот.

НАЈНОВИ ВЕСТИ

ХОРОСКОП