29 март, 2024
ПочетнаЕКОНОМИЈАКатар ќе почне да испорачува течен природен гас за Германија во 2024...

Катар ќе почне да испорачува течен природен гас за Германија во 2024 година

Нафтената и гасната компанија „Катар енерџи“ би можела да започне со испорака на течен природен гас во Германија од терминалот во Тексас во 2024 година, изјави катарскиот министер за надворешни работи и вицепремиер Мохамед бин Абдулрахман ел Тани.

-Извлекувањето енергенси во гасното поле „Северна купола“ нема да се прошири пред 2026 година, можеби во 2025 година. Сепак, очекуваме дека нашата фабрика за природен гас „Golden Pass“ во Тексас, во која „Катар енерџи“ има 70 отсто од акциите, во 2024 година ќе достигне доволен капацитет за да може да испорачува гас во Германија“, изјави Тани за германскиот весник Handelsblatt.

ЕУ се обидува да го отстрани рускиот гас од своите пазари откако Русија започна специјална воена операција во Украина, откако Народните републики Доњецк и Луганск побараа помош поради украинските провокации.

Европските лидери во неколку наврати нагласија дека ЕУ ќе бара снабдувачи со енергенси ширум светот и дека ќе го зголеми уделот на обновливите извори на енергија, потсетува РИА „Новости“.

НАЈНОВИ ВЕСТИ

ХОРОСКОП