70. ден војна во Украина: Масовен напад со крстосувачки ракети на западот на Украина, целосно уништена железничката инфраструктура

Членките на Европската унија, во меѓувреме, разговараат за шестиот пакет санкции против Русија поради нејзината инвазија на Украина.

Се очекува санкциите да вклучат ембарго на руската нафта, која сочинува четвртина од европскиот увоз. Сепак, се вели дека преговорите се тешки, бидејќи Унгарија, на пример, стави вето на таквата мерка во понеделникот. Дополнително, според извори од ЕУ, неколку руски банки, меѓу кои и Сбербанк, се очекува да бидат исклучени од системот Свифт.

Масовен напад со крстосувачки ракети

Руските воздухопловни сили и морнарицата синоќа го извршија најжестокиот крстосувачки ракетен напад врз железничката инфраструктура во западна Украина, која се користи за пренос на тешко оружје што членките на НАТО, предводени од САД, го пренесуваат во Украина. Покрај инфраструктурата, крстосувачките проектили уништија и воени магацини.