Компанијата за широка потрошувачка „Unilever“ ги надмина прогнозите за продажба во првиот квартал откако „Dove“ и производителот на сладолед „Ben & Jerry“ ги зголемија своите цени за повеќе од 8 отсто за да ги надоместат повисоките трошоци за синџирите на снабдување и изворите на енергија. Така, компанијата успева да компензира за благиот пад на продажбата, пренесува „Reuters“.
„Unilever“ предупреди дека очекува дополнително да ги зголеми цените, зголемувајќи ја својата прогноза за инфлацијата во втората половина од годината на 2,7 милијарди евра поради „избувнувањето на војната во Украина и поврзаното зголемување на инфлацијата на суровините“.
Сега компанијата очекува годишниот раст на главната продажба да биде на горниот крај од проектираниот опсег од 4,5-6,5%, но годишната оперативна маржа да биде на долниот крај од опсегот од 16-17%.
Производителите на потрошувачи стоки ширум светот ги зголемуваат цените за да ги надоместат зголемените трошоци за енергија, суровини, работна сила и транспорт, а конфликтот во Украина ги засили инфлаторните притисоци од закрепнувањето на пандемијата со Ковид-19.
Конкурентите „Procter & Gamble“ и „Nestle“, исто така, забележаа силен раст на продажбата во последните денови по растот на цените, но некои аналитичари стравуваат дека потрошувачите може се повеќе да се префрлат на поевтини производи поради притисокот врз нивните приходи.
Главните продажби на „Unilever“ за првиот квартал се зголемија за 7,3 отсто на годишно ниво, што е значително над просечните прогнози на аналитичарите од 4,4 отсто во истражувањето што го направи компанијата.
Цените се зголемени за 8,3%, а обемот е намален за 1%. Аналитичарите очекуваа раст на цената од 6,3% и намалување на обемот од 1,7%.
