Германија, со сума од 9,1 милијарди долари, е најголемиот купувач на руски енергенси во првите два месеци од почетокот на војната во Украина, се наведува во извештајот на независна истражувачка група, пишува Вашингтон пост.
Според пресметките на Центарот за истражување на енергија и чист воздух, Русија заработила 66,5 милијарди долари од извозот на фосилни горива откако руските војници ја нападнаа Украина на 24 февруари, се вели во студијата објавена денеска од таа организација.
Врз основа на движењето на танкерите, следењето во реално време на протокот на гас низ цевководите и проценките врз основа на историските записи за месечната трговија, истражувачите проценуваат дека Германија и платила на Русија околу 9,1 милијарди евра за снабдување со фосилни горива во првите два месеци од војната, наведува американскиот весник.
Германската влада соопшти дека не може да ги коментира овие проценки и одби да даде какви било сопствени бројки, се додава во текстот.