Твитер и Маск се договорија?! Светските медиуми пренесуваат дека милијардерот денеска би можел да ја купи социјалната мрежа

Твитер е се поблиску до договорот за продажба на компанијата на Илон Маск по цена од 54,2 долари по акција, што милијардерот ја нарече своја најдобра и последна понуда, пишува Ројтерс.

Компанијата би можела да ја објави својата продажба по вкупна цена од 43 милијарди долари во текот на денот, откако одборот на директори ќе се состане и ќе им ја препорача трансакцијата на своите акционери, велат изворите, додавајќи дека зделката може да пропадне во секој момент.

Твитер не успеа да обезбеди „провизија“ во договорот со милијардерот, што ќе му овозможи да побара други понуди од потенцијалните купувачи доколку договорот биде потпишан. Сепак, на Твитер и понатаму му е дозволено да прифаќа понуди од други клиенти со тоа што на Маск би му платиле одредена такса, посочуваат изворите.

Твитер и Маск се уште не одговориле на барањата за коментар од Ројтерс.