Соединетите Држави потврдија дека државниот секретар Ентони Блинкен и министерот за одбрана Лојд Остин отпатувале за Киев за да се сретнат со Зеленски во неделата.
Веста претходно ја објавија Украинците, но САД одбија да коментираат. Меѓутоа, тие сега потврдија дека американските претставници биле во неделата во Киев и дека веќе го напуштиле.
Продолжуваат конфликтите во Маријупоље
Генералштабот на вооружените сили на Украина утринава соопшти дека руските сили продолжиле со ракетни и артилериски напади врз украинските позиции во областа на фабриката за челик Азовстал во Мариупол.
Гранатирањето на Харков продолжува, пренесува Интерфакс Украина.
Се додава дека руските сили спроведуваат офанзивни акции на истокот на Украина, со цел, како што се наведува, воспоставување целосна контрола врз територијата на регионите Доњецк и Луганск и обезбедување на копнениот коридор меѓу тие територии и Крим.
Пожар во руско складиште за нафта
Пожар избувна во складиште за нафта во округот Фокин во областа Брјанск, соопшти регионалното Министерство за вонредни ситуации.
На местото на пожарот се испратени противпожарни и спасувачки екипи, јавува агенцијата Интерфакс.
Се утврдуваат детали за пожарот.
Брјанск се наоѓа во југозападна Русија.
Украина го критикува Гутереш за заминувањето во Москва
Советникот на украинскиот претседател Игор Жовко го критикуваше генералниот секретар на ОН Антонио Гутереш за неговата претстојна средба во Москва со рускиот претседател Владимир Путин и министерот за надворешни работи Сергеј Лавров, нагласувајќи дека Гутереш „нема овластување да зборува во име на Украина“.
-Не е добра идеја да отпатува за Москва. Не ја разбираме неговата намера да отпатува во Москва и да разговара со претседателот Путин, изјави Жовка, пренесува Гардијан.
Тој изјави дека „иако сите мировни преговори се добри ако завршат со резултати“, се сомнева дека разговорите што ги иницира Гутереш ќе дадат некаков резултат.
Гутереш во вторник ќе престојува во Москва, а неговата посета на Киев е планирана за четврток, каде ќе се сретне со украинскиот претседател Володимир Зеленски и министерот за надворешни работи Дмитриј Кулеб.
