Телекомуникацискиот гигант „AT&T“ објави раст од 2,5% на клучните приходи од мобилни телефони во првиот квартал, откако имаше корист од агресивното проширување на своите „5G“ услуги и оптички интернет, пренесува „Reuters“.
Побарувачката за брз интернет расте бидејќи Американците набавуваат уреди со „5G“ и ги зајакнуваат своите домашни мрежи за да одговорат на предизвиците на хибридната работа и образование.
Основниот приход на компанијата, кој го вклучува и мобилниот бизнис, се зголеми на 29,7 милијарди долари во првиот квартал од 29 милијарди долари пред една година.
Сепак, вкупните приходи паднаа за повеќе од 13%, како одраз на влијанието на одвојувањето од бизнисот со сателитска ТВ и послабите перформанси на бизнисот со кабловска телевизија.
Компанијата со седиште во Далас, Тексас, чија единица „WarnerMedia“ се спои со „Discovery“ претходно овој месец за да ја формира новата медиумска компанија „Warner Bros“. „Discovery“ додаде 691.000 претплатници по месечна претплата во текот на кварталот.
Вкупниот број на претплатници на „HBO“ и „HBO Max“ се зголеми за 3 милиони во однос на претходниот квартал.
Аналитичарите внимателно ја следат стратегијата на „AT&T“ за одвојување по имотот, бидејќи се потпира на својот мобилен бизнис.
Нето заработката од обичните акции падна на 4,8 милијарди долари, или 65 центи по акција, од 7,5 милијарди долари или 1,02 долари по акција, во споредба со минатата година.
