Новата генерација на луксузната лимузина на „BMW“ носи сосема нов дизајнерски јазик што неодамна го видовме на рестилизираниот „X7“, и за прв пат опција со електричен погон.
Според германските медиуми, „седумката“ во таа земја ќе чини над 100.000 евра, иако во Европа нема да биде достапна со V8 мотори – максималниот број цилиндри под хаубата ќе биде 6.
Како и со рестилизираниот „X7“, но и со последните неколку претходници, дизајнот е во првите редови. А токму дизајнот може да предизвика најподелени мислења досега.
Новата „Series 7“ носи и огромни димензии – со должина од 5.391 mm, обичната верзија е поголема од генерацијата во заминување. Ова обезбедува супериорна удобност зачинета со адаптивна воздушна суспензија.
Поголемите димензии не значат послабо маневрирање, пред се благодарение на погонот на сите тркала.
Како и во случајот со „X7“, новиот изглед на „Series 7“ доаѓа со одобрение од шефот за дизајн Домагој Ѓукец.
Сè се врти околу хоризонтално поделените фарови и масивната предна решетка со истакнати „бубрези“.
Во внатрешноста доминира „Live Cockpit Plus“ кој користи поврзани екрани од 12,3 и 14,9 инчи.
Задните патници имаат мал „екран на допир“ во вратата со контроли на климатизацијата.
Кога станува збор за моторите, на европскиот пазар ќе му биде одземена основната „735“, потоа „740“, како и „760i xDrive“ 4.4 V8 со 544 ks.
За купувачите на Стариот континент се планира дизел „740d“ со 3.0 турбо мотор од 300 ks и 760 Nm, но дури од следната пролет.
Подоцна ќе му се придружи и „M760e xDrive“ plug-in хибрид, со 3.0 бензински мотор, кој произведува 571 ks и 800 Nm.
За оние со поскромни апетити се планира и „750e xDrive“ со 490 ks и 700 Nm.
Конечно, најважниот модел од серијата 7 во Европа станува електричниот „i7“ со два електрични мотори кои произведуваат 544 ks и 745 Nm.
Со батерија од 101,4 kWh, може да се пофали со автономија од 590 до 625 km. До 100 km/h достигнува за 4,7 секунди, а брзината е ограничена на 240 km/h.
Се полни на брзи „DC“ полначи со моќност до 195 kW, што значи дека може да се наполни за 10 минути за да помине 170 km.
Потоа доаѓа вистинското задоволство, „BMW i7 M70“ со дури 660 ks. Другиот модел „М“ што се нуди е претходно споменатиот „plug-in“ хибрид.
Списокот на опции вклучува додатоци, вклучувајќи 31,8-инчен екран со резолуција 8K наменет за патниците на задните седишта.
Дополнително, достапен е премиум аудио систем „Bower & Wilkins Diamond Surround Sound“ со 36 звучници.
Серијата „7“ може да се паркира самостојно користејќи ги услугите за паметни телефони. Истото важи и за возење наназад, како и за автономната контрола на возилото на ниво 3.
Дали сето горенаведено ќе биде доволно да остави значаен белег во понудата каде електричните модели стануваат се посериозни, ќе покаже времето.
