Италијанскиот производител на автомобили „Ferrari“ неодамна најави изненадување, а како што можеме сега да видиме станува збор за „Ferrari 296 GTS“.
Значи, ова е „Spider“ верзијата на „296 GTB“, што значи дека новиот „296 GTS“ комбинира 2,9-литарски турбо V6 бензинец со 663 ks, електричен мотор и батерии од 7,45 kWh (со вкупно 830 ks и 740 Nm вртежен момент), поврзани со 8-степен „DCT“ пренос. Можно е да се вози и во електричен режим, околу 25 километри, пишува „Autoblog“.
Со своите 1.540 килограми, „296 GTS“ е 70 kg потежок од купето „296 GTB“, а тврдиот покрив се отвора за 14 секунди (при брзина до 45 км/ч). Тоа значи дека односот тежина/моќ е 1,86 kg по ks.
Забрзувањето од 0 до 100 km/h кај „296 GTS“ е 2,9 секунди, до 200 km/h доаѓа за 7,6 секунди и максимални 330 km/h.
За запирање се грижи системот за сопирање со дискови 398 x 223 x 38 mm напред и 360 x 233 x 32 mm назад.
Тркалата се 20 инчи, со гуми 245/35 ZR 20 напред и 305/35 ZR 20 позади.
Во однос на димензиите, автомобилот е долг 4.565 mm, широк е 1.958 mm, висок е 1.191 mm и има меѓуоскино растојание од 2.600 mm.
Конечно, фактот дека „296 GTS“ ја помина патеката Фиорано за 1’21″80 минути.
