Првата приватна вселенска мисија пристигна на Меѓународната вселенска станица

Првата целосно приватна вселенска мисија, составена од тројца бизнисмени и поранешен астронаут кои ја напуштија Земјата со ракетата на SpaceX, пристигна денеска на Меѓународната вселенска станица (ISS), каде што ќе останат нешто повеќе од една недела.

Целиот екипаж, вклучувајќи го и командантот на мисијата Ax-1, Американец со шпанско потекло Мајкл Лопез-Алегрија, Канаѓанецот Марк Пети, Американецот Лери Конор и Израелецот Ејтан Стибе излегуваа еден по еден од капсулите со насмевки и кренати палци. Тие беа пречекани со прегратки од членовите на екипажот на ISS и блицови од камерите.

Конор рече дека е „воодушевен и почестен“ што учествувал во такво вселенско искуство. Стиб зборуваше на хебрејски, додека Пети рече дека тоа е неверојатна авантура.

Лопес-Алегрија (63), командант на мисијата, некогаш бил астронаут на американската вселенска агенција НАСА, а и претходно престојувал на ISS.

Конор, Стиб и Пети платија по неколку десетици милиони долари за искуството на одење во вселената.

Целиот екипаж добил научни задачи за време на нивниот престој во вселената, вклучувајќи експерименти за стареење, здравје на срцето и матични клетки.