Саудискиот нафтен гигант „Saudi Aramco“ објави дека нето добивката на компанијата е повеќе од двојно зголемена во последната година.
Нето добивката на „Aramco“ за 2021-ва година скокна за 124% на 110 милијарди долари, во споредба со 49 милијарди долари пријавени во 2020-та година. Причините за зголемувањето се повисоките цени на суровата нафта, подобрите маргини на профит од рафинирање и преработка на хемикалии и консолидирање на нејзиниот хемиски бизнис.
Бројките беа во согласност со очекувањата, при што учесниците во студијата на „Reuters“ предвидуваа нето добивка од 109,7 милијарди долари за целата година. Акциите на компанијата пораснаа за 4% по веста.
„Aramco“ го користи растот на цената на нафтата во 2021-ва година, при што цената на „брент“ се искачи на повеќе од 80 долари за барел на крајот на годината, што претставува зголемување од речиси 50 отсто во период од 12 месеци. Недостатокот на снабдување беше еден од многуте фактори што донесе неизвесност на енергетските и стоковите пазари уште пред руската инвазија на Украина.
„Aramco“, исто така, објави дивиденда за четвртиот квартал од 18,8 милијарди долари што треба да се исплати во првиот квартал од 2022-ра година. Дивидендата е покриена со зголемување на слободниот готовински тек на 107,5 милијарди долари во 2021-ва година, што е зголемување од 49,1 милијарди долари во 2020-та година.
Компанијата исто така, ќе препорача нераспределената добивка од 4 милијарди долари да се искористат за исплата на бонус акции на акционерите, што сепак е предмет на одобрување. Според препораката, акционерите ќе добијат по еден бонус за акции за секои 10 акции што ги поседуваат. Како резултат на тоа, вкупната дивиденда за 2021-ва година ќе достигне 75 милијарди долари во готовина, покрај бонус акциите.
Компанијата најави и дека ќе инвестира во зголемување на капацитетот за производство на нафта на 13 милијарди барели дневно до 2027-ма година.
Капиталните расходи на компанијата изнесуваат 31,9 милијарди долари во 2021-ва година, што е за 18% повеќе отколку во 2020-та година. „Aramco“ очекува капиталните расходи за 2022-ра година да достигнат 40-50 милијарди долари и да продолжат да растат до средината на деценијата.
