Канадската единица на „Honda Motor Co.“ ќе инвестира 1,38 милијарди долари (1,09 милијарди долари) во текот на шест години за модернизирање на погоните во Онтарио, додека јапонскиот производител на автомобили се подготвува да започне со производство на својот нов хибриден теренец за северноамериканскиот пазар.
Инвестицијата треба да го подготви капацитетот, кој е најголема фабрика во регионот, за производство на „CR-V Hybrid“ во 2023-ра година. Канадската влада ќе ја поддржи иницијативата со шест еднакви износи од 131,6 милиони канадски долари, се наведува на веб-страницата на „Honda of Canada Mfg“.
Ова ја одразува големата трансформација на светската автомобилска индустрија, која се движи кон позелени возила како одговор на зголемената побарувачка и построгите регулативи за загадувањето на воздухот.
Владата на канадскиот премиер Џастин Трудо гледа на автомобилскиот сектор како клучен дел од нејзините напори за намалување на јаглеродот во земјата.
Богата со клучни суровини за производство на батерии за електрични возила – вклучувајќи литиум, графит, кобалт и никел – Канада се обидува да ги привлече производителите на батерии за да ја заштити иднината на своето производствено „срце“ во Онтарио.
„Ја позиционираме Канада како лидер во автомобилите со ниска и нулта емисија“, рече Трудо за време на посетата на фабриката на „Honda“ во Онтарио.
Покраината одржува блиски врски со американските производители на автомобили во Мичиген и Охајо, како што се „General Motors Co.“, „Ford Motor Co.“ и „Stellantis NV“, кои објавија планови за производство на електрични возила таму.
Како што економијата на Канада закрепнува од ефектите на пандемијата со Ковид-19, таа мора да се погрижи „закрепнувањето да биде одржливо и да создава нови работни места“, рече Трудо.
„Honda“ објави дека модернизацијата на фабриката во Онтарио ќе обезбеди илјадници работни места во Канада.
Инвестицијата, исто така, ќе го доближи јапонскиот производител на автомобили поблиску до постигнување на целта за целосно електрифицирање на својата палета на производи до 2040-та година.
Во Канада, каде што поделбата на „Honda“ е основана во 1986-та година, компанијата има вкупен годишен производствен капацитет од над 400.000 возила и 190.000 мотори.
