Моделите „Xiaomi 12 Pro“, „Xiaomi 12“ и „Xiaomi 12X“ имаат врвни спецификации за видео и забава, подобрена вештачка интелигенција, моќен процесор и подобро корисничко искуство.
„Xiaomi 12 Pro“ и „Xiaomi 12“ користат процесор „Snapdragon 8 Gen 1“ на „Qualcomm“, додека „Xiaomi 12X“ работи со чипсет „Snapdragon 870 5G“. Сите три уреди доаѓаат со „UFS 3.1“ брзина на преземање и пренос на податоци, заедно со „LPDDR5 RAM“ брзина до 6.400 Mbps.
Серијата „Xiaomi 12“, исто така, има системи за ладење со високи перформанси, комбинирани со ултра голема комора за пареа и повеќе слоеви графит за ладење на уредот на највисоко ниво.
Телефоните имаат „AMOLED Dot“ дисплеј, со „Corning Gorilla Glass Victus“ заштита, поддршка за „TrueColor“ и „HDR10 +“. „Xiaomi 12 Pro“ има 6,73-инчен „WQHD +“ екран и користи „AdaptiveSinc Pro“ технологија за освежување помеѓу 1Hz и 120Hz. „Xiaomi 12“ и „Xiaomi 12X“ користат екрани со „Full HD +“ од 6,28 инчи, со „AdaptiveSinc“ од 120 Hz.
Во областа на камерите, „Xiaomi 12 Pro“ го има најмоќниот систем со три камери од 50 MP, вклучувајќи го и главниот сензор „Sony IMX707“ од 50 MP. „Xiaomi 12“ и „Xiaomi 12X“ имаат камера со ултра широк агол од 13MP, заедно со телемакро камера од 5MP, со главен сензор од 50MP. „AI Cinema“ со еден клик е достапно за сите три телефони, нудејќи голем број креативни опции за уредување стоп видео, како што се режимите „Parallel World“, „Freeze Frame Video“ и „Magic Zoom“.
Оперативниот систем „MIUI 13“ е задолжен за софтверска поддршка и носи побрзо складирање, поголема ефикасност на процесите во заднина, попаметна обработка и подолго траење на батеријата. За подобро корисничко искуство придонесува и „Liquid Storage“, атомизираната меморија, како и функциите „Focused Memory“ и „SmartBalance“ исто така придонесуваат за подобро корисничко искуство.
„Xiaomi 12 Pro“ користи полнач „HyperCharge“ од 120 W. Батеријата од 4.600 mAh може целосно да се наполни за само 18 минути со помош на режимот „Boost“, а „Xiaomi 12“ и „Xiaomi 12X“ имаат батерии од 4.500 mAh и поддржуваат турбо полнење од 67 W. „Xiaomi 12 Pro“ и „Xiaomi 12“ исто така поддржуваат безжично полнење од 50 W и обратно полнење од 10 W.
Корисниците на серијата 12 на „Xiaomi“ ќе добијат до три месеци бесплатно користење на платформата „YouTube Premium“, која овозможува пристап до најдобрата содржина без реклами и офлајн, во регионите каде што е достапна.
„Xiaomi 12 Pro“ доаѓа во две варијанти, 8GB + 256GB, 12GB + 256GB со почетна цена од 999 долари.
„Xiaomi 12“ доаѓа во три варијанти, 8GB + 128GB, 8GB + 256GB, 12GB + 256GB, а почетната малопродажна цена ќе биде 749 долари.
„Xiaomi 12X“ доаѓа во две варијанти, 8GB + 128GB, 8GB + 256GB со почетна цена од 649 долари.
