TikTok падна, илјадници корисници ширум светот во паника

Една од најпопуларните социјални мрежи во светот утрово мистериозно престана да работи, додека илјадници корисници пријавуваат проблеми со работата на апликацијата.

По неодамнешниот пад на Spotify, TikTok денес доживеа прекин за илјадници корисници ширум светот. Според веб-страницата „Down Detector“, која ги следи проблемите во работата на популарните мрежи и сервиси, досега се пријавени над 6.000 извештаи за проблеми со работата на најбрзо растечката социјална мрежа во светот.

Речиси половина од корисниците пријавиле дека има проблем во функционирањето на целата апликација, додека 25% пријавиле проблеми со фидот. Останатите 25 проценти пријавиле грешки на серверот, додека некои коментари не функционирале правилно.

Корисниците на популарната мрежа побрзаа на Твитер за да проверат што не е во ред со апликацијата.

Првите проблеми беа пријавени во 11:30 утрово, а TikTok се уште не се изјаснил за тоа прашање.