На почетокот на оваа недела, се шпекулираше дека „Motorola“ ќе објави уште еден смартфон „Moto“ од средната класа. Па, тој ден веќе дојде бидејќи „Motorola“ тивко го лансираше својот „Moto G22“.
Овој паметен телефон има екран од 90 Hz, камера од 50 MP, батерија од 5.000 mAh и многу повеќе по прифатлива цена.
На предната страна на „Moto G22“ има голем 6,5-инчен „Max Vision“ екран кој има резолуција од 1.600 x 720 пиксели и поддржува стапки на освежување до 90 Hz. Претходните гласини сугерираа дека „Moto G22“ ќе доаѓа со „OLED“ екран. Сепак, тоа не се оствари бидејќи „Motorola“ го испорачува уредот само со „LCD“ панел.
Како што пренесува „PocketNow“, главната продажна точка на „Moto G22“ ќе биде системот на камера. По прифатлива цена од околу 140 евра, овој паметен телефон има примарен сензор за камера од 50 мегапиксели. Покрај тоа, има уште три други објективи на камерата кои имаат ултра широк сензор од 8 MP со отвор од f / 2,2, сензор за длабочина од 2 MP f / 2,4 и макро сензор од 2 MP f / 2,4.
„Moto G22“ се напојува со процесорот „MediaTek Helio G37“. Ова е осум-јадрен чипсет со четири јадра A53 со такт од 2,3 GHz и четири A53 јадра со такт од 1,8 GHz. Овој чипсет е поврзан со 4 GB RAM и 64/128 GB внатрешна меморија. Овој нов паметен телефон има и доделна фиока за „MicroSD“ картичка и 3,5 милиметарски приклучок за слушалки.
Другите спецификации на „Moto G22“ вклучуваат предна камера од 16 мегапиксели, „Android 12“ надвор од кутијата, батерија од 5.000 mAh со поддршка за брзо полнење од 15 W и странично поставен сензор за отпечатоци.
