Руските воени сили ја зазедоа нуклеарна централа во Запорожје во југоисточна Украина, објавија во петокот локалните власти. Тоа е најголемата нуклеарна централа во Европа.
Оперативниот штаб ја следи состојбата на енергетските единици“, се наведува на социјалните мрежи.
Украина соопшти дека руските сили го извршиле нападот во раните утрински часови во петокот, палејки ја блиската петкатна зграда за обука која беше затворена во петокот наутро.
Нема загинати или повредени, соопшти украинското Министерство за внатрешни работи на Твитер, истакнувајќи дека зградата што изгорела е комплекс за обука. Пожарот избувна откако руските сили го нападнаа комплексот на електраната Запорожје – најголемата нуклеарна централа во Европа.
Украинскиот претседател Володимир Зеленски изјави дека руските тенкови биле насочени кон блоковите на реакторот.
Украинската агенција за цивилна заштита соопшти дека во пожарот учествувале 44 лица.
Американскиот секретар за енергетика Џенифер Гранхолм изјави дека реакторите во Запорожје се „заштитени со цврста заштитна структура“.
Гранхолм на Твитер објави дека разговарала со министерот за енергетика на Украина за ситуацијата во нуклеарната централа. Таа истакна дека во близина на централата не е забележано зголемено зрачење.
Украинските власти велат дека нуклеарната безбедност по пожарот сега е загарантирана.
„Директорот на електраната рече дека нуклеарната безбедност сега е загарантирана. Администрацијата наведува дека пожарот избувнал во зградата за професионална обука и во лабораторијата“, објави на Фејсбук Олександр Старух, началникот на воената управа на регионот Запорожје.
Во петокот, украинскиот претседател Володимир Зеленски ја обвини Москва дека спроведува „нуклеарен терор“ и дека сака да ја „повтори“ катастрофата во Чернобил.
„Ќе го предупредиме светот дека ниту една земја освен Русија никогаш не пукала врз нуклеарни централи. Ова е прв пат во нашата историја, прв пат во историјата на човештвото. Таа терористичка држава сега врши нуклеарен терор“, рече тој во видеото објавено од кабинетот на украинскиот претседател.
Украинскиот нуклеарен регулатор не откри „никаква промена“ во нивото на радиоактивност во електраната во Запорожје, соопшти Меѓународната агенција за атомска енергија (МААЕ).
Американскиот претседател Џо Бајден разговараше со украинскиот колега Володимир Зеленски за нуклеарната централа Запорожје, изјави висок американски функционер.
Бајден му се придружи на Зеленски во барањето Русија веднаш да ги прекине своите воени активности во областа.
