Шпанскиот телеком „Telefonica“ објави профит што ги надмина очекувањата, благодарение на силните перформанси на неговиот бизнис во Бразил и Германија и послабиот пад на профитот на домашниот пазар во Шпанија. Операторот најави и дека ќе се врати на исплатата на дивидендите во целост во готово.
Оперативната добивка пред амортизација и исправка на вредноста достигна 3,2 милијарди евра во четвртиот квартал, под 3,75 милијарди евра од пред една година. Сепак, ги надмина просечните проценки на аналитичарите од 2,6 милијарди евра.
Во Шпанија, еден од најконкурентните телекомуникациски пазари во Европа, „Telefonica“ го забави својот профит, главно со намалување на трошоците.
Профитот е поддржан од резултатите во Бразил и Германија, два од водечките пазари на компанијата, како и „Hispam“, кој ги обединува земјите од шпанско говорно подрачје, од кои некои забележаа силен раст.
Компанијата објави дека очекува низок едноцифрен раст на приходите за 2022-ра година.
Цената на акцијата на „Telefonica“ порасна за околу 11% во оваа година, што е подобро од растот од 2,4% на поширокиот индекс „Stoxx 600 Telecom“.
