Кинеската компанија „GooPhone“ која е позната по евтините клонови на уредите на „Samsung“ и „Apple“, сега најаува дека ќе го произведе мобилниот телефон „GooPhone 5C“. Тој уред компанијата го претставува како клон на новиот модел на „Apple“ – „iPhone 5S“, иако тој ќе се најде во продажба тек во септември.
Тоа покажува дека безбедноста во фабриките-добавувачи на „Apple“ и натаму е незадоволителна. На пример, минатата година „GooPhone“ објави точна копија на „iPhone 5“ во исто време кога се појави и „оргиналниот“ уред на компанијата „Apple“.
Смартфонот „GooPhone 5C“ ќе има релативно слаби карактеристики и тоа 4 инчен екран со резолуција 960 x 540 (QHD), dual-core процесор на „Mediatek MTK6572“ од 1,2 Ghz, 1 GB работна меморија, 8 мегапикселна камера, подршка за 3G и оперативниот систем „Android 4.2“.
Се очекува во продажба да се најде веднаш по „вистинскиот“ „iPhone“ и тоа по цена од 99 долари.
