На почетокот на оваа недела видовме оглас на „Geekbench“ за сѐ уште официјалниот „Nokia G21“, а сега имаме прв поглед на уредот преку неколку рендери. „Nokia G21“ може да се види во темно кафеава, темно зелена и светло зелена боја.
„Nokia G21“ има дисплеј со исечок за селфи камерата во форма на капка на предната страна и тројна камера на задната страна. Островот на камерата го отфрла кружниот изглед на неговите претходници и преминува кон потрадиционален правоаголен изглед.
Очекуваме 6,5-инчен LCD со HD + резолуција, додека задниот дел ќе има главен сензор од 50 MP заедно со помошните модули кои сѐ уште не се познати.
Телефонот треба да пристигне со чипсетот „T606“ на „UniSoc“, како што е потврдено од неговата картичка за резултати од „Geekbench“, заедно со 4 GB RAM и 128 GB простор за складирање. Се наведува и дека новиот телефон на „Nokia“ има батерија од 5.000 mAh, приклучок за слушалки и слот за „microSD“ картичка, пренесува „GSM Arena“.
