Производителот на електрични апарати „Electrolux“ најави дека проблемите со глобалните синџири на снабдување ќе продолжат.
Компанијата пријави пад на својот квартален профит, но очекува побарувачката во 2022-ра година да биде поголема отколку пред пандемијата.
За време на пандемија, домаќинствата поминуваа повеќе време дома, вклучително и користењето на апарати за домаќинство. Но, глобалните логистички проблеми и недостигот на компоненти влијаеја на производството на „Electrolux“.
Компанијата соопшти дека проблемите ќе продолжат да влијаат на способноста на индустријата целосно да ја задоволи побарувачката, иако очекува цените да ја надоместат инфлацијата на трошоците во 2022-ра година, главно во суровини, електронски компоненти и логистика.
„Предвидуваме дека првиот квартал ќе биде најмалку предизвик како четвртиот квартал од 2021-ва година“, соопшти шведската компанија, додавајќи дека очекува постојани подобрувања од средината на 2022-ра година.
Цената на акцијата на најголемиот европски производител на електрични апарати падна за 14% од почетокот на годинава до четвртокот, а пред почетокот на трговскиот ден вчера падна за 5,4%.
Претходно, „Electrolux“ предупреди дека проблемите со глобалниот синџир на снабдување ќе останат предизвик во четвртиот квартал и во оваа година.
Оперативниот профит за четвртиот квартал падна на 882 милиони шведски круни (94,1 милиони долари) од 2,50 милијарди круни од пред една година.
„Electrolux“ понуди дивиденда од 9,20 круни по акција во споредба со 8 круни по акција пред една година. Компанијата објави и програма за откуп на акции од 2,5 милијарди круни.
