Јужнокорејската технолошка компанија „LG Display“ објави 30% пад на кварталниот оперативен профит, откако еднократните трошоци поврзани со планот за споделување профит и пониските цени на ТВ екраните ги изгореа ефектите од високата продажба на екрани за компјутери, лаптопи и паметни телефони.
Добавувачот на „Apple“ објави 476 милијарди вони (397,64 милиони долари) оперативен профит за кварталот од октомври до декември, што е повеќе од 678 милијарди вони од пред една година.
Компанијата не успеа да ја исполни просечната прогноза од 588 милијарди вони, составена од „Refinitiv SmartEstimate“. „LG Display“ рече дека со исклучок на еднократните трошоци, кои вклучуваат споделување на профитот со директорите и вработените, резултатот е во согласност со очекувањата на пазарот.
Приходите се зголемија за 18 отсто на 8,8 трилиони вона.
Во текот на кварталот, цените на 55-инчните дисплеи со течни кристали (LCD) за телевизори паднаа за 37% во споредба со претходниот квартал, според податоците на „WitsView“ од „TrendForce“.
Сепак, само 27 отсто од приходите од продажбата дојдоа од телевизиските екрани во кварталот, велат аналитичарите.
Големата продажба на висококвалитетни „LCD“ екрани за лаптопи и монитори, чии цени паднаа помалку од оние на „LCD“ екраните за телевизори во 2021-ва година, како и „OLED“ панелите со висока маржа за паметни телефони и телевизори, треба да ги поддржат резултатите на „LG“ во оваа година, велат аналитичарите.
„LG Display“ соопшти дека продажбата на „OLED“ дисплеи се зголемила за повеќе од 70% во 2021-ва година, а бизнисот со овој тип екран станал профитабилен.
„Побарувачката за лаптопи, таблети и други уреди од луѓето кои работат од дома се очекува постепено да се намалува со продолжувањето на Ковид-19, а правилата за дистанцирање се олабавуваат“, рече Куон Џе-Јун, потпретседател и шеф на маркетинг во одделот за средно мали дисплеи.
„Сепак, враќањето во канцелариите и корпоративната побарувачка од економиите во развој се очекува да се зголемат, така што вкупната побарувачка за такви уреди во 2022-ра година се очекува да остане слична на онаа од 2021-ва година“, додаде Џе-Јун. Цената на акцијата на „LG Display“ падна за 0,7% од падот на пазарот од 0,4%.
