Се очекува „Apple“ да го одржи својот прв настан за 2022-ра година во март или април, при што ќе претстави нови производи.
Сите очекуваат, а ова е најозборуваното, дека ќе биде претставена третата генерација на „iPhone SE“. Сепак, ова нема да биде единствениот производ што го подготвува компанијата од Купертино.
Според Марк Гурман, доверлив „свиркач“ од екосистемот на „Apple“, претстојниот настан ќе ни овозможи да ги видиме и новиот „iPad Air“ и новиот „Mac“ компјутер.
„Apple“ не го ажурираше „iPad Air“ од 2020-та година, па се очекува нов модел. Не се знае многу за следната генерација на таблети „Air“, а се сугерира дека ќе го користат чипсетот „A15 Bionic“ (ист како најновата линија „iPhone 13“ и „iPad Mini 6“).
Заедно со „iPhone SE 5G“ и освежениот „iPad Air“, пролетниот настан може да донесе и нов „Mac“ со чипсет „M1 Pro“. Тоа би можел да биде помоќен „Mac mini“ или „iMac“.
Не е познат конкретен датум, но овој настан би можел да се случи помеѓу март и април.
Од друга страна, претставувањето на грст уреди е резервирано за есен. Меѓу нив се новата линија „iPhone 14“, редизајнираниот „MacBook Air“, надградените „AirPods Pro“ слушалки, „MacBook Pro“ од пониска класа и три модели на „Apple Watch“.
