„BlackBerry“ беше ран лидер во индустријата за паметни телефони, но со доаѓањето на „iPhone“ и безброј уреди со „Android“, компанијата брзо заостануваше во уделот на пазарот.
„BlackBerry“ на крајот ги префрли своите телефони на „Android“, почнувајќи со „BlackBerry Priv“ од 2015-та година, но компанијата го задржа својот мобилен оперативен систем одредено време. Сепак, серверите кои го одржуваат во живот „BlackBerry OS“ конечно се гасат оваа недела.
„BlackBerry“ првпат објави уште во септември 2020-та година дека неговите стари услуги ќе престанат да работат на 4-ти јануари (вчера) 2022-ра година, а како што истакна „Phone Arena“, датумот на исклучување е скоро при крај.
Оригиналната изјава гласи: „уредите со „BlackBerry 7.1 OS“ и претходниот софтвер, „BlackBerry 10“ софтверот и „BlackBerry PlayBook OS 2.1“ и постариот софтвер веќе нема да работат сигурно преку поврзување со оператор или „Wi-Fi“ по 4-ти јануари, пишува „XDA-Developers“.
„BlackBerry“ уредите на „Android“, како што се „KeyOne“, „Key2“ и „Key2 LE“, ќе продолжат да работат како и сега (иако повеќето од нив не добиваат безбедносни ажурирања). Сепак, сите уреди што го користат сопствениот оперативен систем на компанијата ќе го изгубат пристапот до „BlackBerry Protect“, „BlackBerry Password Keeper“, „BlackBerry ID“, „PIN-to-PIN“ пораките, хостираните е-адреси и речиси сè друго што се потпира на надворешни сервери. Исто така, не е гарантирано дека пристапот до итни повици ќе продолжи да функционира, но бидејќи повеќето оператори мигрираат на „VoLTE“, тој сепак ќе престане да работи (ако веќе не го сторил тоа).
