недела, 2 октомври 2022
ПочетнаАВТОБИЗКои автомобили ќе ја одбележат 2022 година? (ФОТО)

Кои автомобили ќе ја одбележат 2022 година? (ФОТО)

Уште една година одмина во знакот на коронавирусот, а кога станува збор за автомобилите на пандемијата со Ковид-19 во 2021-ва година, се надополни со глобалниот недостиг на чипови, што доведе до нов пад на производството и продажбата на автомобили, особено во вториот дел од годината.

Производителите не се откажуваат, иако некои беа принудени да одложат некои премиери за 2022-ра година поради сето горенаведено.

Подолу ве потсетуваме на некои од најважните модели чие официјално претставување го очекуваме следната година.

„Alfa Romeo Tonale“

Премиерата на компактниот теренец на „Alfa3 веќе неколку пати беше одложувана, но сите укажуваат дека неговата сериска верзија конечно ќе ја видиме следната година.

Потсетуваме дека италијанскиот производител концептот на ова возило го претстави пред речиси три години, а оттогаш најавува и сериски модел за кој се верува дека е дизајнерска „омекната“ варијанта на прототипот.

„Audi A3 Allroad“

Иако тој сериозно играше на картата на електричните автомобили во последните неколку години, а планира да лансира новитет во електричната енергија во 2022 година, една од премиерите што се очекува со интерес ќе биде на „А3“ со можност за возење на сите терени.

Станува збор за модел направен според докажаната матрица на „A4 Allroad“ и „A6 Allroad“, кој ќе го заземе своето место во гамата помеѓу обичните „A3“ и „Audi Q3“.

„BMW X8 и BMW M3 Touring“

Баварците имаат амбициозни планови за наредната година. Меѓу новитетите кои ќе ја доживеат својата премиера во 2022-ра година се новата „седумка“, но и неговиот електричен пандан „i7“.

Сепак, се издвојува луксузниот хибриден теренец, кој најверојатно ќе ја носи ознаката „X8“ и кој со подигната каросерија ќе го зазема самиот врв на моделската гама на „BMW“. Како предвесник на сериската верзија, оваа година беше претставен концептот „XM“, кој ќе биде основа за серискиот модел.

Покрај тоа, љубителите на автомобили со високи перформанси со нетрпение го очекуваат „M3 Touring“.

„Mazda CX-60“ и „Mazda CX-80“

„Mazda“ неодамна најави големи промени во понудата на теренци, кои ќе бидат придружени со проширување на гамата и неколку нови модели, како за европскиот така и за американскиот пазар.

Два нови теренци, „CX-60“ и „CX-80“, би требало да дебитираат во Европа во следните две години, а барем еден од нив ќе ја има својата премиера во 2022-ра година.

„Mercedes GLC“

Како и во случајот со „BMW“, производителот од Штутгарт подготвува неколку новитети за 2022-ра година.

„Mercedes“ ќе биде фокусиран и на електричните автомобили, но не се заборавени ниту оние со конвенционален погон, како што е новиот „GLC“.

„Nissan X-Trail“

Во 2021-ва година „Nissan“ го означи дебито на новата, трета генерација на исклучително успешниот „Qashqai“.

Слично нешто би можело да се случи во 2022-ра година со новата генерација на исто така популарниот модел „X-Trail“.

„Renault Austral“

Францускиот производител реши да го пензионира „Kadjar“ по само една генерација, но својот наследник го најави со ново име во 2022-ра година.

„Renault Austral“ ќе ја има својата премиера следната година, како сестрински модел на „Nissan Qashqai“.

„Škoda Enyaq RS iV“

Како и другите марки од групацијата „Volkswagen“, „Škoda“ ја започна транзицијата кон електрични модели, а во 2022-ра година ќе ја донесе најмоќната верзија на нивниот прв електричен „SUV“ – „Enyaq RS iV“ со над 300 ks.

Меѓу моделите со конвенционален погон треба да се спомене најавената „Fabia Monte Carlo“.

„Volkswagen ID.Buzz“ и „Volkswagen Amarok“

Во годината што претстои, „Volkswagen“ на клиентите ќе им понуди неколку новитети кои својата премиера ја имаа во 2021-ва година, а ќе бидат претставени и нови модели.

Еден од нив е електричниот миниван „ID.Buzz“, кој беше најавен пред неколку години и чиј дизајн е инспириран од класичното комбе „VW Typ 2“ од средината на 20-тиот век.

Друг интересен новитет ќе биде новата генерација на камионети „Amarok“, овојпат базирани на моделот „Ford Ranger“.

„Ferrari Purosangue“

Италијанскиот производител на суперспортски автомобили во 2022-ра година ќе го претстави долго најавуваниот „SUV“ модел „Purosangue“, а можно е уште едно изненадување на компанијата од Маранело.

„Maserati Grecale“

„Maserati“ ја одложи премиерата на својот втор „SUV“ во гамата, компактниот „Grecale“, за 2022-ра година.

Дополнително, следната година се очекува и кабриолет верзија на суперспортскиот „MC20“.

„Tesla Cybertruck“

Уште еден модел чија премиера е одложена за 2022-ра година.

Секако, станува збор за сериска верзија со оглед на тоа што прототипот е претставен во 2019-та година, а се очекуваат мали промени во дизајнот на ова возило.

НАЈНОВИ ВЕСТИ

ХОРОСКОП