Германскиот финансиски регулатор (BaFin) ја казни Дојче банк со 8,66 милиони евра поради неправилности во контролата на „Euribor“ – каматната стапка по која банките во еврозоната ги менуваат орочените депозити во евра.
Според „BaFin“, кредиторот привремено немал ефикасен систем и контрола врз реперот, се вели во соопштението. Регулаторот посочува дека „Deutsche Bank“ може да поднесе жалба. Сепак, доверителот веќе изјавил дека ја прифаќа одлуката, пренесува „Bloomberg“.
Повеќе од една деценија откако финансиската криза откри злоупотреби и намалени контроли, банките сè уште работат на мерки за закрепнување и регулаторни истраги. Иако е релативно мала, паричната казна на „BaFin“ покажува дека „Deutsche Bank“ сè уште не ги исполнила своите ветувања од екот на скандалот со индексот „Libor“.
„За нас останува главен приоритет да ги идентификуваме и исправиме потенцијалните слабости во нашите контролни процеси“, се вели во соопштението на „Deutsche Bank“.
Најголемиот доверител на Германија беше предмет на голем број правни и регулаторни проблеми во последниве години кои се закануваат да го засенат напредокот во враќањето на одржливата профитабилност.
Досега, голем број меѓународни банки, вклучително и „UBS Group AG“ и „JPMorgan Chase & Co.“, се казнети со милијарди долари поради обидот да се мешаат во индексите, кои беа постепено укинати.
Доверителот во врска со одлуката на „BaFin“ рече дека „почетните мерки“ за подобрување на контролата се веќе завршени.
Одлуката доаѓа во време на напорите на регулаторот да го подобри својот имиџ на локалниот пазар. Тој настрада откако „BaFin“ не успеа да ја открие измамата со „Wirecard“ – компанијата банкротираше во 2020-та година, откако стана јасно дека недостасуваат 1,9 милијарди евра од нејзините сметки и најверојатно никогаш не постоеле.
