понеделник, 23 мај 2022
ПочетнаЕКОНОМИЈАЗагриженост кај меѓународните институции поради криптовалутите

Загриженост кај меѓународните институции поради криптовалутите

Меѓународниот монетарен фонд (ММФ) е загрижен за криптовалутите бидејќи тие растат со толку значајна стапка, а нема регулативи за нив, пишува „CNBC“.

Во септември, вкупната пазарна вредност на сите криптовалути надмина 2 трилиони долари, што е 10-кратно зголемување од нивото забележано на почетокот на 2020-та година, според податоците собрани од институцијата.

Еден од проблемите што ММФ ги истакнува е тоа што на многу луѓе и финансиски институции кои тргуваат со овие средства „немаат силни оперативни, управувачки и ризични практики“, а тоа ги става потрошувачите во ризик. Покрај тоа, поради недостаток на надзор, криптовалутите може да се користат за финансирање тероризам, перење пари и други криминални практики.

Не само ММФ повикува на повеќе активности за да се направат инвестициите безбедни, пренесува „CNBC“. Финансискиот регулатор на Британија (FCA), на пример, е загрижен за врската помеѓу социјалните медиуми и инвестициите во криптовалути. Институцијата предупредува дека измамниците им плаќаат на познатите личности и инфлуенсерите за да промовираат валути кои не постојат.

Ким Кардашијан беше платена да ја промовира криптовалутата ethereummax. Ѕвездата има повеќе од 200 милиони следбеници на Инстаграм, а аналитичарите велат дека таа рекламира токени за кои нема доволно информации.

„Ова е доста опасно за младите кои гламурозниот живот на познатите го поврзуваат со криптовалутите“, предупредуваат финансиските аналитичари. Затоа, нивната препорака е регулаторите да внимаваат на токените и да ги објаснат ризиците поврзани со нив. На пример, големата флуктуација на нивната вредност, која може да се случи за само еден трговски ден.

„Младите се силно привлечени од криптовалутите и често ги прават своите први инвестиции земајќи заеми или користејќи пари од кредитни картички. Некои од нив дури користат пари од студентските кредити за финансирање на оваа дејност, а не на своето образование“, предупредуваат експертите.

Според „FCA“, до средината на 2021-ва година, околу 2,3 милиони Британци имаат криптовалути. 14% од нив ги купиле на кредит, а 12% сметаат дека валутите се под надзор на регулаторот.

„Криптовалутите го делат јавното мислење – нивните поддржувачи веруваат дека тие се иднината, додека скептиците се потсетуваат на ризиците поврзани со нивната употреба. Покрај тоа, технологијата е нова и сè уште немаме идеја што ќе се случи со криптовалутите во целиот финансиски циклус. Како и секоја нова шпекулација, можеби нема да заврши добро“, рече Чарлс Рандал, претседател на „FCA“.

НАЈНОВИ ВЕСТИ

ХОРОСКОП