Магазинот Форбс ја објави листата на 100-те најмоќни жени во светот. На самиот врв првото место го зазеде Мекензи Скот (51), поранешната сопруга на милијардерот Џеф Безос (57).
Мекензи зад себе остави на листата познати жени како Камала Харис, Кристин Лагард, Мари Гару и Мелинда Гејтс.
Кога раскина со милијардерот Безос, Скот вети дека ќе подели добар дел од средствата кои ги добила преку парницата за развод за хуманитарни цели, пишува Форбс.
„Имам непропорционална сума пари за споделување и ќе го правам тоа додека сефот не се испразни“, напиша таа во мај 2019 година, кога потпиша ветување за донација.
Поранешната сопруга на Безос и мајка на четири деца основала група за борба против злоупотреба, а во 90-тите му помогнала на милијардерот да го основа Амазон. До разводот беше во сенка на сопругот, а веднаш потоа почна да планира како ќе сподели добар дел.
Според Форбс, Скот е „тешка“ 57 милијарди долари и подели дури 8,9 милијарди долари на повеќе од 780 организации кои промовираат прашања за родовата еднаквост, расното право и јавното здравје.
Мекензи нема канцеларии и персонал кој работи за неа. Таа ги плаќа сите донации со помош на нејзиниот сопруг Ден кој е истражувач и советник на непрофитната консултантска компанија Bridgespan. Не постои одбор на директори, а бидејќи нејзините донации не одат преку добротворната организација, нема барања за известување.
Споредувајќи ги Скот и фондацијата Гејтс, која има речиси 1.800 вработени и заработила 5,8 милијарди долари од грантови во 2020 година, поранешната сопруга на милијардерот поделила слична сума истата година.
Инаку, Мекензи ги дава своите донации „без ограничувања“, што значи дека организациите кои ги примаат можат да ги користат како што им одговара, пишува Форбс.
