Само седум месеци од започнувањето со работа на „Vine“, сервисот на „Twitter“ за размена на видео клипови, ја премина бројката од 40 милиони регистрирани корисници.
Во последните два ипол месеци овој сервис регистрираше нови 27 милиони корисници.
За оваа компанија тоа е добра вест, особено во контекст со неодамнешното лансирање на слична видео услуга од конкурентскиот „Instagram“.
„Vine“ бележи силен раст и покрај видео услугата на „Instagram“, па доколку објавените бројки се однесуваат само на регистрираните корисници, кои немораат нужно и да бидат активни на друштвената мрежа, може да се заклучи дека новата конкуренција значително не им наштетила.
