Во прегледот на историски податоци за стапката на инфлација од Втората светска војна па наваму, може да се анализираат 6 периоди во кои годишната стапка на инфлација била над 5%.
Најдолг период на раст на инфлацијата од над 5% е периодот 1973-82 година. Во тој период се случиле шокови во вид на намалување на производството на нафта поради нафтено ембарго на производителите на нафта како и иранската револуција што следеше по војната меѓу Иран и Ирак. Така, инфлацијата во тој период траеше долго поради скокот на цената на нафтата. Кога завршија овие настани, инфлацијата падна под 5%.
Инфлацијата на која сме сведоци денес е во голема мера резултат на нестабилноста на синџирите на снабдување што настанаа како резултат на пандемијата на коронавирусот. Кога ќе се стабилизира состојбата со коронавирусот (најверојатно во втората половина на следната година), ќе се создадат предуслови за намалување на инфлацијата под 5%.
Значи, ни претстојат уште најмалку 12 месеци раст на цените. Парадоксално, од аспект на економската историја, тоа е – добра вест.
