Германскиот енергетски гигант „E.On“ објави раст на профитот од 46% до 3,9 милијарди евра во првите девет месеци од годината.
Продажбата се зголеми за 4,8 милијарди евра и сега достигна 48,1 милијарди евра, покажуваат финансиските извештаи објавени на веб-страницата на компанијата.
На крајот на првата половина од годината, менаџментот на „Е.On“ ги промени прогнозите нагоре во однос на очекуваните приходи и добивки за годинава. Сега овие очекувања се потврдија – компанијата од Есен на крајот на годината ќе оствари профит во опсег од 4,4 до 4,6 милијарди евра.
Добрите финансиски резултати се должат на посвежото време од вообичаеното во 2021-ва година во однос на 2020-та година, како и целосното вградување на словачкиот „VSEH“, купен минатиот август, објаснуваат од компанијата. Заштедите од програмата за намалување на трошоците во Британија исто така помагаат да се зголеми профитот.
Компанијата во својот извештај го забележа и договорот со федералната влада за компензација за предвременото затворање на нуклеарните капацитети во земјата. Според договорот, ќе има исплати за преостанатиот капацитет на затворените погони.
„E.On“ создаде специјална компанија за управување со нуклеарните постројки и нивното деактивирање – „Preussen Elektra“.
На крајот на септември, обврските на „Е.On“ се намалени за 3,5 милијарди евра на 37,2 милијарди евра. Инвестициите достигнуваат 2,9 милијарди евра, од кои главниот дел е во модернизацијата на инфраструктурата.
